Ano ang Pangngalan? Dalawang Uri Ng Pangngalan, Uri Ng Pangngalan Ayon Sa Gamit

i. ANO ANG PANGNGALAN?

Ang Pangngalan ay ang mga salitang tumutukoy sa ngalan ng tao, bagay, pook, hayop at pangyayari. 


Halimbawa:

1. Ang mga bata sa paaralan ay nagtatakbuhan ng makita nila ang paparating na presidente.  

2. Napasukan ng tubig ang bahay nila Ana dahil sa tindi ng ulan.

3. Nahihirapan ang mga mga estudyante sa pagpasok sa paaralan dahil sa malakas na hangin dulot ng bagyong Oplong. 



ii. DALAWANG URI NG PANGNGALAN

Pangngalang Pantangi 
Ito ang uri ng pangngalan na tumutukoy sa tiyak na ngalan ng tao, bagay, pook, hayop at pangyayari at karaniwan itong nagsisimula sa malaking titik. 

Pangngalang Pambalana
Ito ang uri ng pangngalan na tumutukoy sa pangkalahatang ngalan ng tao, bagay, pook, hayop at pangyayari. 


Halimbawa: 

PANTANGI	PAMBALANA
mansanas	prutas
narra	kahoy
waling-waling	bulaklak
Cebu	probinsya
Mitsubishi	sasakyan
Ginang Amanda Flores	guro
Unibersidad ng Pilipinas	paaralan
Bibliya	libro
Bagong Taon	okasyon
Coco Martin	artista

iii. KASARIAN NG PANGNGALAN (GENDER OF NOUN)

PANLALAKI

Ito ay ang mga pangngalang ginagamit o tumutukoy lamang sa kasarian ng babae. 
Halimbawa: lolo, tatay, tiyohin, prinsipe, padre

PAMBABAE

Ito ay ang mga pangngalang ginagamit o tumutukoy lamang sa kasarian ng babae. 
Halimbawa: lola, kumare, reyna, asyendera, tita

DI-TIYAK

Ito ay ang  mga pangngalan na hindi tumutukoy sa tiyak na kasarian o maaaring gamitin bilang pambabae o panlalaki.
Halimbawa: bata, estudyante, kamag-anak, guro, magulang

WALANG KASARIAN

Ito ay ang mga pangngalan na walang kasarian. 
Halimbawa: bulaklak, pagkain, pesta, kompyuter, bansa

Halimbawa

PANLALAKI	PAMBABAE	DI-TIYAK	WALANG KASARIAN
lolo	lola	apo	probinsya
tiyohin	tiyahin	pamangkin	pasalubong
tito	tita	kamag-anak	pesta
tatay	nanay	bata	bahay
papa	mama	magulang	tahanan
kuya	ate	kapatid	lamesa
hari	reyna	tagapaglingkod	bansa
prinsipe	prinsesa	kaibigan	palasyo
heredero	heredera	tagapagmana	asyenda
padre	madre	mananampalataya	simbahan
tindero	tindera	mamimili	tindahan
filipino	filipina	mamamayan	kultura
propesor	propesora	estudyante	paaralan
inahin	tandang	sisiw	itlog
ninong	ninang	inaanak	regalo

iv. URI NG PANGNGALAN AYON SA GAMIT

TAHAS
Ito ay ang mga pangngalang nararanasan ng mga padamdam. Maaari itong nakikita, naririnig, naamoy, nalalasahan o nahahawakan. 

Halimbawa: damit, radyo, bulaklak, tsokolate, libro


BASAL
Ito ay ang mga pangngalang hindi nararanasan ng limang pandamdam at walang pisikal na katangian. 

Halimbawa: hustisya, pangarap, pag-ibig, kasiyahan, kalungkutan


LANSAK O LANSAKAN
Ito ay ang mga pangngalang tumutukoy sa bilang o grupo.

Halimbawa: madla, komite, organisasyon, sangkatauhan